میرے بارے میں

میں نے شاعری لکھنے کا آغاز پندرہ برس کی عمر میں کیا۔ میرے نزدیک شاعری محض الفاظ کی ترتیب نہیں بلکہ ایک ایسا جذبہ ہے جو دل و ذہن کو متاثر کرے، جھنجھوڑے اور سوچنے پر مجبور کر دے۔ کسی بھی نظم، غزل یا نثر میں میرے لیے مقصدیت بنیادی حیثیت رکھتی ہے، کیونکہ میں ادب کو محض حسنِ بیان نہیں بلکہ فکری ذمہ داری سمجھتی ہوں۔

میری تخلیقی کائنات میں جدید غزل، نظم اور آزاد نظم شامل ہیں۔ میری شاعری میں عورت کے باطن، اس کے احساسات، سماجی ناہمواریوں اور انسانی رشتوں کی کی گہری عکاسی ملتی ہے۔ میں ہر تحریر میں فکری گہرائی، سچائی اور مقصدیت کو اولین حیثیت دیتی ہوں۔

شاعری کے ساتھ ساتھ میں نے مضامین اور و فکری تحریریں بھی قلم بند کی ہیں، جن میں ادب، معاشرت، خود آگاہی اور انسانی نفسیات جیسے موضوعات شامل ہیں۔ اس کے علاوہ میں کتب نویسی سے بھی وابستہ ہوں، جہاں میرا مقصد قاری کو محض پڑھنے کا تجربہ نہیں بلکہ سوچنے، محسوس کرنے اور خود سے مکالمہ کرنے کی دعوت دینا ہے۔