ازدواجی تعلق میں غیر مشروط محبّت

ازدواجی رشتے میں خوشیاں بھرنے کے لیے محنت کرنا پڑتی ہے۔ شادی کے کچھ عرصے بعد ہی میاں بیوی کو ایک دوسرے کی ایسے ہی عادت ہو جاتی ہے جیسے اپنے خاندان کے دوسرے افراد بہن بھائیوں کی عادت ہوتی ہے۔ ایک دوسرے کی طرف کشش ختم ہونے لگتی ہے۔ جب آپ ازدواجی رشتے میں اس مقام پر آجائیں تو یہ وقت خوابوں کی دنیا سے نکل کر حقیقت میں آنے کا ہوتا ہے۔ یہ دنیا دار الامتحان ہے اوریہاں عملی زندگی میں آپ کا امتحان شروع ہو جاتا ہے۔ اگر تو آپ اللہ کی خاطر اپنے ساتھی سے محبّت کرتے ہیں تو آپ اُس کو محبّت کا احساس دلانے کے لیے ویسے ہی عمل کرتے رہیں گے جیسے کہ اُس محبّت کے دور میں کیا کرتے تھے جب خود اپنا نفس اس پر راضی تھا۔ اب جب نفس بیزار ہونے لگے تو اس کو یاد دلانے کی ضرورت ہوتی ہے کہ یہ محبّت اللہ کی خاطر ہونی چاہیے اور مجھے چاہے اس کے عوض ویسی محبّت ملے یا نہ ملے میرا اپنا عمل اس کی وجہ سے تبدیل نہیں ہونا چاہیے۔
یہ رشتہ ایک دوسرے کے لیے غیر مشروط محبّت کا متّقاضی ہے اور یہ غیر مشروط محبّت صرف وہی شخص دوسروں کو دے سکتا ہے جس کے پاس اللہ کی محبت سے بھرا ہوا، اخلاص سے منوّر اورسمندر جیسی وسعت رکھنے والا بے غرض دل ہوتا ہے۔ جو کہ محبّت کا صلہ بندوں سے نہیں بلکہ صرف اللہ سے وصول کرنے کی نیّت رکھتا ہے۔ یہ سوچ اگر دو طرفہ ہو تو میاں بیوی کی محبّت کو اللہ تعالیٰ اپنے حصار میں لے لیتے ہیں۔ اور اگر یہ یک طرفہ بھی ہو تب بھی اپنا اثر کر کے ہی رہتی ہے۔ یاد رکھیں کہ اللہ تعالیٰ قرآن میں فرماتے ہیں کہ میں نے ہی موت اور حیات کی تخلیق کی کہ یہ آزما سکوں کہ تم میں سے کون اچھے عمل کرتا ہے۔ اس لیے جب کبھی زندگی کا سفر مشکل لگنے لگے سورہ الملک کی یہ آیت اپنے دل میں دہرا لیں۔ ایسا کرنے سے ہمّت اور حوصلہ دونوں لوٹ آئیں گے۔
طیّبہ خلیل۔ بحرین

3 thoughts on “ازدواجی تعلق میں غیر مشروط محبّت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.